محش يكتب مسلسل بدوي ه
--------------------------------------------------------------------------------
محش يكتب مسلسل بدوي ه
الحلقة الأولى
عواد فارس القبيلة الذي لا يشق له ثوب يمتطي جحشه وينطلق الى الغدير ليسقي جحشه ... فيشاهد مجموعة بنات يردن على الماء.. فيقول: وش هالزحمه والله لو أنه خباز ...
ثم يرى بينهن سلمى فيدق جوال عواد وقلبه ويغني ..
شفتك ولا حطيت عيني بعينك
ويغادر الغدير وسط ضحكات البنات وسخريتهن
الحلقة الثانية
سلمى تشكي حبها لخويتها مطيعة التي ترد عليها اسكتي يا شينه والله مالك غير ولد عمك سالم ..
فترد سلمى عليها : كش عليكي يا دبه لا تحطمين مشاعري !!!!
الحلقة الثالثة
سالم يتقهوى عند عمه الشيخ ابو سلمى شيخ القبيلة .. ويطلب يد بنت عمه سلمى وقرونها !! فيوافق الشيخ ويخبر سلمى بالخبر فتغضب سلمى وتقول : يا بابا سالم داشر ويدخن وما معه شهادة كيف اخذه .. ؟!!
فيرد ابوها ..انثبري يا ملا الوجع ، مالك إلا ... ولد عمك اولى من الغريب
وبعدين سالم هو فارس القبيلة والكل يحبه صحيح أنه ما يكتب مواضيع زينة في المنتديات لكنه شجاع
الحلقة الرابعة
عواد يقابل سلمى بسوق الحريم ومكان الغزل حق القبيلة الغدير ويتبادل معها هدايا الحب .. أهداها كرتون تمر وهي أهدته كيس جريش ..
عواد يقول لسلمى : ليش يا عمري وافقتي على ولد عمك سالم ؟!
فترد سلمى عليه : منيب ما أقدر ..
وتخبره سلمى بخطبة سالم لها... فيحزن عواد وتدمع عيناه ( دخل فيها تراب )
لازم من الفواصل للاثرة
سنعود
عدنا
ابو سلمى ورجال القبيلة مجتمعين في بيت الشيخ يشاهدون برنامج من سيربح المليون
يأتي مصيول راعي القبيلة يصرخ : الحلال ياعمي انسرق.. الحلال انسرق ...
ويهب الشيخ ورجاله واقفين على حيلهم ويصرخ الشيخ ابو سلمى ويقول :-
من سيرد الحلال ويربح بنتي سلمى وله ثلاث وسائل مساعده:-
-- ياخذ بارودتي وحصاني
-- او يحذف عصا
-- او يتصل على مصيول ؟؟؟؟
ويقف سالم ويقول " انا لها يا عمي ...
وينطلق سالم على حصان الشيخ ليلحق بالغزاه ليرد الحلال
الحلقة الخامسة
الغزاه يمسكون سالم ويصفقونه وياخذون حصانه وبارودته ويخلونه يدقها كعابي للقبيلة .. طلع خرطي !!!
وهنا يقفز عواد ويقول : محد يرد الحلال غيري فيرد الشيخ قم بس قم !
وينطلق عواد ويلحق بالغزاه ويطخطخهم كل ابوهم وامهم ويرد كل الحلال ...
يهب يا وجهه .. علشان الحنان .. ولا هو من جنبها ..
ماعدا كم عنز ماتن بالطريق من حمى الوادي المتصدع !!!!
الحلقة السادسة والاخيرة
يصل عواد مع الحلال للقبيلة ... وهو سعيد صالح بفوزه بسلمى ... ( بالهدف الذهبي )
وتم الخطوبه والشبكة ( أبراجها فل ) وعمت الفرحه القبيلة ويتم تحديد الزواج في
العطلة الصيفيه في قاعة جرف ليالي الغنم ..
ويشتري عواد كم حصان بالتقسيط ويبيعهن كاش حتى يوفر متطلبات العروس و زواجها
والله الله بتعليقات الحلوة والتقيم
الرئيسية 
