تذكر بوم اقولك جسد يحتوي روحين ..

تذكريوم أقولك جسد يحتوي روحين..
..و أوعدك ماأخليك وتوعدني ماتخليني..

..أذكر يومها أشوف بالدنيا بس اثنين!..
..قلبي اللي يحبك وقلبك اللي يحويني..

..بعدها بأيام شفت ايدك تحتضن ايدين..
..وانصدمت يوم شفت إنها غير ايديني..

..سكت لجل خاطرك وقلت مرحبا بالزين..
..مرحبا باللي القلب لجله حيل يكويني..

..مر يوم واسبوع وشهروبعدها بشهرين..
..وهو لازال مايدري بإني شفته بعيني..

..وأخاف إني أقوله خاين وينجرح بعدين..
.. وأخاف أسكت وبسكوتي صمتي حيل يشقيني..

..واجهته وأنا أبكي والعين تحتضن العين..
..سألته : ليه تنساني؟وليه ماكنت تغليني؟؟

..سكت ولفَ عني وخبى وجهه بالإيدين..
..اللي كانت تحضني وغيرها ماتدفيني..

..سحبت إيدينه ومسحت الدمع على الخدين..
..وقلت له والله أحبك لو إنك تخليني!..

..سكت فتره وقال لي: لازلتي تحبيني؟؟
..بعد اللي تشوفينه لازلتي تحبيني؟؟

..ابتسمت وقلت انت ماعرفت للحين..
..إني أحبك حيل واللي يرضيك يرضيني..

..سكت فتره وأنا أعاود فرحه بقت لسنين..
..وتركته وتركت حبه اللي بقى فيني..

..وصارت الدمعه إذا هلت أقول أهلين..
..والبسمه هجرتني ونست دربها فيني..

..بعدها بأيام سمعت خبر والله شين..
..سمعت إنه مااااات وهو يطلب يلاقيني..

..ويوم إني رحت .. وصيته لي بورقتين..
.. الأولى فيها اسمي كتب بدمه يغليني..

.. والثانيه يقول فيها: أبي أوضحلك شيئين..
.. الأول أحبك حيل وماسكن غيرك شراييني..

.. والثاني أمانه لاجيتي لأهلي تعزَين..
..لاتنزل دموعك لي طلبتك لاتبكيني..

.. كل اللي أبيه إنك بالخيرلي تدعين..
..وإنك مره بالشهربقبري تزوريني..

.. واللي أبيك تعرفيه ومهم إنك تعرفين..
..اللي شفتيها معي كانت بموتي تبشرني..

..انا اللي خليتك من كيفي عني تبعدين..
..لجل ماينجرح قلبك بلحظة موت تحويني..

..تكفين لاتظنين إني خنتك يالغلا تكفين..
.. وإذا لازلتي تحبيني دايم بالخير ذكريني..

.. سكت وقلت : ياليتني ظليت معك يازين..
..وشفت الموت ياخذك مني ولاكذا تخليني..

..تظنون إني نسيت أو الدمع جف بالعين؟!
.. لا والله الين اليوم وهومعي يخاويني..

.. لوتدورالدنيا ولو تمر بعدها سنين..
..مانسيته لو أشوف أحفااادي حواليني..

راقت لي كلماتك من أول عنقود لآخره
دمت في حمى الرحمن
تقبل وافر أحتراماتي